Հրապարակվել է աշխարհի ամենահզոր երկրների վարկանիշը

U.S.News ամերիկյան պարբերականը հրապարակել է 2019 թվականի արդյունքներով աշխարհի ամենահզոր երկրների վարկանշային աղյուսակը։

Պարբերականի կողմից ներկայացված ցուցակը կազմվել է BAV Group-ի և Փենսիլվանիայի համալսարանի Wharton դպրոցի վերլուծաբանների կողմից։

Հիմքում ընկած են եղել տնտեսությունների, քաղաքական դաշտի վրա ազդեցության, ռազմական հզորության, աշխարհում առաջատարության և միջազգային դաշինքների մասնակցության գնահատականները։

Ըստ աղյուսակի՝ առաջին տեղում ԱՄՆ-ն է, երկրորդում՝ Ռուսաստանը, երրորդում՝ Չինաստանը։

Նշենք, որ թոփ տասնյակում են ընդգրկվել նաև Գերմանիան, Մեծ Բրիտանիան, Ֆրանսիան, Ճապոնիան, Իսրայելը, Սաուդյան Արաբիան և Հարավային Կորեան։

Ինչ վերաբերում է աշխարհում ամենաքիչ ազդեցությամբ երկրներին, ապա, ըստ պարբերականների այդ թվում են՝  Էստոնիան, Լատվիան, Լիտվան, Սլովենիան և Սլովակիան։