Զինված եւ դիմակավորված ավազակային հարձակում՝ Արմավիրի մարզում

Արմավիրում զինված, դիմակավորված ավազակային հարձակում է տեղի ունեցելՙ ըստ Yerkir.am-իՙ հայտնում է Shamshyan.com-ը: 

Անհայտ 2 անձ՝ ատրճանակի նմանվող առարկաներով, դիմակավորված, մուտք են գործել Մյասնիկյան գյուղի Երևանյան փողոցի թիվ 7 հասցեում գործող նույն գյուղի բնակիչ՝ 55-ամյա Լևոն Գ-ին պատկանող շուրջօրյա գործող մթերային խանութ։

Դիմակավորված անձինք ատրճանակի նմանվող առարկաների սպառնալիքի տակ դրամարկղից հափշտակել են գումար, այնուհետև նույն գյուղի բնակիչ՝ 24-ամյա Գալուստ Գ-ին պատկանող Nokia բջջային հեռախոսը և նույն գյուղի բնակիչ՝ 24-ամյա Սուրիկ Դ-ին պատկանող iPhone7 տեսակի բջջային հեռախոսը, ինչպես նաև խանութին պատկանող Toshiba տեսակի նոութբուքը։ 

Փաստի առթիվ ավազակային հարձակում կատարելու հատկանիշներով հարուցվել է քրեական գործ, փնտրում են կատարողներին, զենքի նմանվող առարկաներն ու գողոնը։