ՏԵՍԱՆՅՈՒԹ․ ԵՊՀ-ում դասադուլը շարունակվում է, շատ վճռական ենք տրամադրված և հետքայլի տեղ չունենք. Գևորգ Գյուլումյան

ԵՊՀ բանասիրության և պատմության ֆակուլտետների դասախոսներն այսօր՝ ժամը 17:00-ին, հրավիրված են ԿԳՄՍ նախարարություն՝ «Բարձրագույն կրթության և գիտության մասին» նոր օրենքի նախագծի խնդրահարույց դրույթները քննարկելու. Yerkir.am-ի հետ զրույցում տեղեկացրեց ԵՊՀ բանասիրության ֆակուլտետի 4-րդ կուրսի ուսանող Գևորգ Գյուլումյանը:

Նրա խոսքով՝ ԵՊՀ-ում դասադուլը դեռևս շարունակվում է: ԵՊՀ բանասիրության ֆակուլտետի ուսանողներին են միացել նաև պատմության ու աստվածաբանության ֆակուլտետների ուսանողներից շատերը:

«Եթե նախարար Արայիկ Հարությունյանը պնդում է, որ դպրոցում պետք է լավ սովորել, ես դեմ չեմ, բայց յուրաքանչյուր տարիք ունի իր մտածելակերպի դրսևորումները: Լեզվի, գրականության և պատմության հետ կապված շատ վճռական ենք տրամադրված և հետքայլի տեղ չունենք: Մենք ինչո՞վ ենք տարբերվում վրացուց, ռուսից կամ այլ օտարազգի ներկայացուցչից՝ մեր լեզվով, գրականությամբ, պատմությամբ ու կրոնով»,- խոսքը եզրափակեց Գևորգ Գյուլումյանը:

Նարա Մարտիրոսյան

Մանրամասն՝ տեսանյութում