ՀՅԴ Հայաստանի ԳՄ ներկայացուցիչն ու նախագահն այցելել են Լիբանանում ՀՀ դեսպանատուն

Շաբաթ՝ սեպտեմբերի 28-ին, Լիբանանում գտնվող՝ ՀՅԴ Հայաստանի Գերագույն մարմնի ներկայացուցիչ Իշխան Սաղաթելյանը եւ ԳՄ նախագահ Սիմոն Սիմոնյանը հանդիպել են Լիբանանում Հայաստանի Հանրապետության դեսպան Վահագն Աթաբեկյանի հետ. տեղեկացնում է aztagdaily.com-ը: Նրանց ընկերակցել է ՀՅԴ Լիբանանի Կենտրոնական կոմիտեի պատվիրակությունը՝ Լիբանանի խորհրդարանի պատգամավոր Հակոբ Բագրատունու գլխավորությամբ և Մելիք Գարագավորյանի, Հակոբ Հավաթյանի ու դոկտ. Էլի Թաշճյանի մասնակցությամբ: Հանդիպմանը ներկա են եղել նաեւ հյուպատոս Լեոնարդ Աբաջյանը, զինվորական կցորդ, գնդապետ Ալեքսանդր Մուշեղյանը եւ դեսպանության գլխավոր քարտուղար Դավիթ Ալավերդյանը:

ՀՀ դեսպանի հետ հանդիպման ընթացքում քննարկվել են Հայաստանի ներքին քաղաքական իրավիճակը, Հայաստան-Լիբանան միջպետական հարաբերությունները եւ դրանք զարգացնելու հեռանկարները, ինչպես նաեւ Հայաստան-Սփյուռք հարաբերությունների մակարդակն ու ներկայիս իրավիճակը: