«Դադարեցրե՛ք հալածանքները». ԵԽ պատգամավորները՝ Էրդողանին

 սեպտեմբերի 13-ին բաց նամակ է հղել Թուրքիայի նախագահ Ռեջեփ Թայիփ Էրդողանին՝

Կոչ անելով դադարեցնել հալածանքներն ընդդիմադիր Ժողովրդահանրապետական կուսակցության և Ժողովուրդների դեմոկրատական կուսակցության նկատմամբ: Այսպիսի կոչով Թուրքիայի նախագահ Ռեջեփ Թայիփ Էրդողանին դիմել են Եվրոպական խորհրդարանի 46 պատգամավորներ:

Թուրքական լրատվամիջոցները գրում են, որ բաց նամակում խոսվում է Թուրքիայում բողոքի ալիք բարձրացրած Դիարբեքիրի, Մարդինի և Վանի ընտրված քաղաքապետերին պաշտոնազուրկ անելու և նրանց փոխարեն իշխանության կողմից պաշտոնակատարներ նշանակելու հարցին:

Նամակում խոսվում է նաև ընդդիմադիրների նկատմամբ հալածանքների մասին: Նշենք, որ ընդդիմադիրները մեղադրվում են «ահաբեկչության քարոզ իրականացնելու կամ օժանդակելու» մեջ:

Հիշեցնենք, որ Ստամբուլում Գյուլենի գաղափարախոսությանը հարելու մեղադրանքով կալանավորվել է 223 սպա: