Հանձնառությունների կրճատման երրորդ քայլի իրագործումն անխուսափելի է. Իրանի ԱԳ նախարար

Ներկայիս դրությամբ Միջուկային համապարփակ համաձայնագրով Իրանի ստանձնած հանձնառությունների կրճատման երրորդ քայլի իրագործումն անխուսափելի է: Այս մասին հայտարարել է Իրանի ԱԳ նախարար Մոհամադ Ջավադ Զարիֆը. հաղորդում է ԻՍՆԱ-ն:

«Միջուկային գործարքի համատեղ հանձնաժողովի անդամ բոլոր երկրները համակարծիք են, որ ստեղծված իրավիճակի եւ լարվածության մեղավորն ԱՄՆ-ն է: Իրանի պահանջներն ի սկզբանե պարզ ու հստակ էին, դրանք տեղավորվում են համաձայնագրի պահանջների շրջանակում»,- ասել է Իրանի արտաքին քաղաքական գերատեսչութեան ղեկավարը՝ նշելով, որ եթե գործարքի մյուս կողմերը լիարժեք չեն կատարում իրենց հանձնառությունները, ապա Իրանն էլ կարող է նույն կերպ վարվել:

«Դա Իրանի Իսլամական Հանրապետության իրավունքն է»,- հստակեցրել է նա: