«Ադրբեջանը շարունակում է Ռուսաստանի հետ զարգացնել ռազմատեխնիկական համագործակցությունը»

Ադրբեջանի ռազմական արդյունաբերության նախարարությունը շարունակում է Ռուսաստանի հետ զարգացնել ռազմատեխնիկական համագործակցությունը: Այդ մասին ТАСС-ին ասել է ռազմական արդյունաբերության նախարարի տեղակալ Յահյա Մուսաևը՝  ՌԴ-ում ընթացող «Բանակ-2019» միջազգային ռազմատեխնիկական ֆորումի շրջանակում:

«Մենք Ռուսաստանի հետ մի քանի խոշոր նախագիծ ունենք, որոնք մինչև հիմա գործում են, օրինակ՝ «Մարտավարական հրթիռային սպառազինություն» կորպորացիայի հետ: Դա հուսալի և փոխշահավետ պայմանագիր է: Բացի այդ` մենք արտոնագրով Կալաշնիկովի ԱԿ-74Մ ինքնաձիգներ ենք արտադրում»,- ասել է Մուսաևը՝ հավելելով, որ կան մի շարք այլ պայմանագրեր: