ՏԵՍԱՆՅՈՒԹ․ Արցախում մրցում են ոչ թե լիբերալներն ու պահպանողականները, այլ ազնիվներն ու անազնիվները․ Իսկանդարյան

Արցախում մրցակցությունը ոչ թե լիբերալների, պահպանողականների և այլ գաղափախոսական ուղղությունների միջև է, այլ ազնիվ մարդկանց և անազնիվ մարդկանց, քանի որ հասարակությունը գիտակցում է, որ ապրում է պատերազմական պայմաններում՝ ըստ Yerkir.am-ի, ասաց «Կովկաս» ինստիտուտի տնօրեն Ալեքսանդր Իսկանդարյանը «Արցախ. ընտրությունների երկրորդ փո՞ւլ, թե՞ քաղաքական ճգնաժամի սկիզբ» թեմայով քննարկման ժամանակ։

Նա դժվարացավ սա կոչել ճգնաժամ։

Ալեքսանդր Իսկանդարյանի համոզմամբ՝ եթե Մասիս Մայիլյանը հրաժարվի և Արայիկ Հարությունյանին հաջողվի դառնալ նախագահ, նրա իշխանությունը կլինի խիստ թույլ և անգամ լեգիտիմության հարց կառաջանա, ինչպես ականատես եղանք Հայաստանում, երբ Սերժ Սարգսյանը դարձավ վարչապետ, բայց փոքր լեգիտիմությամբ և ստիպված եղավ հրաժարվել։

Մյուս կողմից, նրա խոսքով, եթե Մասիս Մայիլյանը դառնա նախագահ, միևնույն է՝ խորհրդարանում նա զգալի ներկայություն չունի, ԱԺ մեծամասնությունը Արայիկ Հարությունյանի կողմնակիցն է, իսկ փորձը ցույց է տալիս, որ հետխորհրդային երկրներում այս տիպի համակարգերը վատ են աշխատում։

Հիշեցնենք, որ ապրիլի 14-ին Արցախի Հանարապետությունում նախանշված է նախագահական ընտրությունների երկրորդ փուլ։ Ըստ առաջին փուլի արդյունքի՝ դրան կարող են մասնակցել Արայիկ Հարությունյանն ու Մասիս Մայիլյանը։

Մանրամասն՝ տեսանյութում․