Կայացավ Զարիֆ-Մաաս հանդիպումը

Իրանի ԱԳ նախարար Մոհամադ Ջավադ Զարիֆը Իրանի ԱԳ նախարարությունում ընդունել է պաշտոնական այցով Թեհրանում գտնվող` Գերմանիայի ԱԳ նախարար Հայկո Մաասին, որը Թեհրան է ժամանել այսօր առավոտյան. տեղեկացնում է ԻՍՆԱ-ն:

Համաձայն Իրանի ԱԳ նախարարության խոսնակի՝ Հայկո Մաասի գլխավորած պատվիրակության կազմում է նաեւ «INSTEX» համակարգի գերմանացի ղեկավար Պիեռ Ֆիշերը:

Մեկօրյա այցի ընթացքում Մաասը կհանդիպի նաեւ Իրանի նախագահ Հասան Ռոհանիի հետ:

Գերմանիայի արտգործնախարարի` Իրան այցի նպատակը Միջուկային համապարփակ համաձայնագրի պահպանումն է: Նախատեսված հանդիպումների ընթացքում նա կփորձի ներկայացնել Միջուկային համաձայնագրի պահպանմանն ուղղված՝ եվրոպական կողմի գաղափարներն ու պլանները: