Սոչիում կայացավ Պուտին-Ռոհանի-Էրդողան հանդիպումը

Այսօր Սոչիում հանդիպել են Ռուսաստանի, Թուրքիայի և Իրանի նախագահները: Նրանք համատեղ հայտարարություն են ընդունել, որում ասված է, որ Սիրիայում Աստանայի գործընթացի շրջանակներում ձևակերպված գործողություններն ու բանակցությունները նպաստել են Սիրիայում բռնությունների նվազմանը, հումանիտար ճգնաժամի թեթևացմանը, փախստականների հոսքերի դադարեցմանը, Սիրայում խաղաղության և կայունության հաստատմանը:

Պուտինը, Էրդողանն ու Ռոհանին պատրաստակամություն են հայտնել` նորից հանդիպել` քննարկելու սիրիական ճգնաժամը: Երեք երկրների նախագահները կշարունակեն ջանքեր գործադրել Սիրիայում ճգնաժամի հաղթահարման ուղղությամբ: Նրանք պայմանավորվել են ամրապնդել միմյանց միջև փոխվստահությունը: