Թուրքիան հեռանում է ԵՄ-ից. ԵՄ նոր զեկույց

Եվրոպական Միությունը հրապարակել է Թուրքիայի վերաբերյալ զեկույց: Եվրահանձնաժողովի Եվրոպական հարևանության քաղաքականության և ընդլայնման բանակցությունների հանձնակատար Յոհաննես Հանը նշել է, որ  Թուրքիայի հետ տարվող բանակցությունների ընթացքում չի նախատեսվում Թուրքիայում բացել որևէ մասնաճյուղ. հաղորդում է Euronews–ի թուրքական ծառայությունը:

Հանը Եվրախորհրդարանի արտաքին գործերի հանձնաժողովում ներկայացրել է Թուրքիայի և 7 այլ երկրի վերաբերյալ զարգացման փաթեթը: Զեկույցում, նախորդ տարիների նման, նշվում է, որ Թուրքիայում լուրջ հետընթաց են ապրել մարդու իրավունքներն ու ժողովրդավարությունը, ինչպես նաև առաջին անգամ անհանգստություն է հայտնվում տնտեսության և ազատ շուկայական հարաբերությունների  վերաբերյալ: «Թուրքիան շարունակում է հեռանալ ԵՄ-ից»,- հայտնում է Հանը:

Անդրադառնալով փախստականների մասին համաձայնագրին` նա իր գոհունակությունն է հայտնել. «Մեր համատեղ շահերի ուղղությամբ համագործակցությունը շարունակվում է»: