Մեկ կադրում`265.000 գալակտիկա. ՆԱՍԱ-ն հրապարակել է տիեզերքի ամենահետազոտված հատվածի համապարփակ պատկերը

ԱՄՆ օդագնացության և տիեզերական տարածության հետազոտությունների ազգային գործակալությունն (ՆԱՍԱ) իր պաշտոնական կայքէջում հրապարակել է տիեզերքի ամենահետազոտված հատվածի մեծագույն և համապարփակ պատկերը` բաղկացած մոտ 7500 առանձին կադրից: Այս մասին տեղեկանում ենք  nasa.gov կայքից:

Գալակտիկաների «պատմության գիրքը» ստեղծվել է Hubble տիեզերական հեռադիտակով 16 տարվա ընթացքում նկարահանված կադրերի միաձուլումից: Այստեղ ներկայացված է 265 000 գալակտիկա, որոնք 500 միլիոնից մինչև 13,3 միլիարդ տարվա պատմություն ունեն:

Կայքում նշվում է նաև, որ հազարավոր կադրերից մեկ միասնական պատկեր ստանալը բավականին դժվար աշխատանք է եղել, սակայն դրա արդյունքում ստացված պատկերը 30 անգամ ավելի շատ գալակտիկաներ է պարունակում, քան մինչ այդ հրապարակված «կատալոգները»: