Հայաստանի ԱԳՆ-ն մեկնաբանել է Մամեդյարովի հայտարարությունը

Ադրբեջանի ԱԳՆ ղեկավար Էլմար Մամեդյարովը Բրյուսելում  Ադրբեջան-Եվրոպա համագործակցության խորհրդի նիստից հետո կայացած մամուլի ասուլիսում հայտարարել է, որ Հայաստանի և Ադրբեջանի ԱԳՆ ղեկավարների հաջորդ հանդիպման ժամկետն արդեն համաձայնեցվել է: «Շատ շուտով մենք երկկողմ հանդիպում կունենանք: Մենք արդեն պայմանավորվել ենք ժամկետի մասին: Ավանդաբար, այն կհայտնեն Երևանը և Բաքուն»,- ասել է նա:

Yerkir. am-ն  այդ կապակցությամբ ստացել է ՀՀ ԱԳՆ-ի մեկնաբանությունը:

Ի պատասխան մեր համապատասխան հարցին` ՀՀ ԱԳՆ մամուլի խոսնակ Աննա Նաղդալյանն ասաց . «ԵԱՀԿ Մինսկի խմբի համանախագահների կողմից հանդիպում անցկացնելու առաջարկ եղել է: Ամսաթիվը մենք միշտ հայտնում ենք համաձայնեցված կարգով և չենք խախտելու այդ սկզբունքը»։