Պարգևատրման համակարգը ստվերում գործել է երկար տարիներ. Ավինյան

Բավականին շատ խոսվեց պարգևատրման համակարգի մասին, քանի որ վերջապես թափանցիկ տեղեկատվություն տարածվեց. կառավարության նիստում ասաց փոխվարչապետ Տիգրան Ավինյանը` հավելելով, որ այդ համակարգը ստվերում գործել է երկար տարիներ և որոշակի խորքային խնդիրներ է լուծել:

«Մենք պետք է պարզ խոսենք քաղծառայության, վարձատրության չափերի և այն խնդիրների մասին, որոնք ստեղծվել են այդ համակարգի ոչ արդիական լինելու պատճառով: Քննարկումները պետք է շարունակել, պետք է պարզ և բաց լինել, պետք է բարձրաձայնել նպատակները: Արդեն իսկ գուցե շատ դեպքերով դժվարին թվացող որոշումներ կայացվեն, բայց վստահ եմ, որ դժվարին չեն լինի, եթե ճիշտ խորհրդակցությունն ապահովենք»,- նշեց փոխվարչապետը: