Նևադայում կբացվի Հայոց ցեղասպանությանը և Հոլոքոստին նվիրված առաջին թանգարանը

ԱՄՆ Նևադա նահանգում կբացվի առաջին թանգարանը, որը նվիրված կլինի 20-րդ դարում տեղի ունեցած ցեղասպանություններին: Այս մասին տեղեկացնում է  Review Journal-ը:

Շուտով նահանգի օրենսդիր մարմնի քննարկման ներկայացվելիք օրինագծի համաձայն` նոր թանգարանը կբացվի Նևադայի մշակույթի և զբոսաշրջության վարչության հովանու ներքո:

Թանգարանի մի մասը նվիրված կլինի Հայոց ցեղասպանությանը, իսկ մնացած ցուցանմուշները կպատմեն Հոլոքոստի մասին:

Կազմակերպիչները նախատեսում են ներկայացնել նաև Ռուանդայում և Կամբոջայում տեղի ունեցած ցեղասպանությունների պատմությունը: Նյութեր կպատրաստվեն նաև Մերձավոր Արևելքի տարբեր շրջաններում քրիստոնյաների զանգվածային բնաջնջման փորձերի մասին: