Քարաթափման պատճառով Եղեգնաձորի գերեզմանատան ճանապարհը երկկողմանի փակ է

ՀՀ արտակարգ իրավիճակների նախարարության «911» ծառայությունը մարտի 27-ին, ժամը 15:24-ին ահազանգ է ստացել, որ Վայոց ձորի մարզի  Եղեգնաձոր քաղաքի գերեզմանատան հարակից տարածքում տեղի է ունեցել քարաթափում, ինչի հետևանքով ճանապարհը դարձել է երկկողմանի փակ:

Դեպքի վայր է մեկնել ԱԻՆ փրկարար ծառայության մարզային ճգնաժամային կառավարման կենտրոնի օպերատիվ խումբը:

Պարզվել է, որ քարաթափումը տեղի է ունեցել գերեզմանատնից հեռուստաաշտարակ տանող ճանապարհին (Աթարբեկյան փողոցին կից շրջանցիկ ճանապարh է). հարակից ժայռի բեկորները (մոտ 4 խմ) թափվել են և ճանապարհը դարձրել երկկողմանի փակ:

Փրկարարները սահմանազատել են տարածքը: Ըստ աղբյուրի՝ ճանապարհը կմաքրվի Եղեգնաձորի համայնքապետարանի կողմից: