Էրդողանի հայտարարությունից հետո լիրան արժեզրկվում է

Երեկ Թուրքիայի նախագահ Ռեջեփ Թայիփ Էրդողանը, ի պատասխան ԱՄՆ նախագահ Դոնալդ Թրամփի` Գոլանի բարձունքներում Իսրայելի գերիշխանությունը ճանաչելու վերաբերյալ հայտարարությանը, նշել էր, որ երբեք թույլ չեն տա օրինականացնել Իսրայելի կողմից բռնազավթումը: Այս հայտարարությունից հետո թուրքական լիրան սկսել է արժեզրկվել. հաղորդում է diken.com.tr կայքը:

Rabobank-ի` զարգացող երկրների արժութային ռազմավարության մշակող Պյոտր Մատիսը լիրայի նկատմամբ դոլարի բարձրացման վերաբերյալ հայտարարել է. «Ըստ իս` ԱՄՆ-ի և Թուրքիայի միջև դիվանագիտական հերթական լարվածությունը շուկայի տագնապն է ցույց տալիս: Լարվածությունը նկատվել է Էրդողանի հայտարարությունից հետո»: