Զոհրաբ Մնացականյանը Փաշինյան-Ալիև հանդիպման վայրի ու ժամանակի մասին մանրամասներ չի հայտնել

ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի առաջիկա հանդիպման վերաբերյալ երկու կողմերը միասին կհայտարարեն: Այս մասին ԱԺ-ում լրագրողների հետ զրույցում ասաց ՀՀ արտաքին գործերի նախարար Զոհրաբ Մնացականյանը:

«Համաձայնեցնում ենք ամենը, հետո` միաժամանակ հայտարարում: Այդ պահը դեռ չի եկել, որպեսզի մենք հայտարարենք: Այստեղ կողմերի միջև միմյանց հարգելու խնդիրն է, որ մենք միաժամանակ, համաձայնեցված ենք հայտարարում հանդիպման ժամկետների և վայրի մասին: Այժմ այդ ուղղությամբ աշխատում ենք»,- ասաց նա:

Իսկ թե ինչ օրակարգով են գնում, նախարարն ընդգծեց.« Որ այն արտահայտված է  վարչապետի Ստեփանակերտում հնչեցված ելույթում, այդ մոտեցումների շուրջ և այդ տրամաբանությամբ  ցանկանում ենք շարունակել երկխոսությունը»: