Մոսկայի «Շերեմետևո» օդանավակայանում ԱՄՆ դեսպանատան աշխատակցի ուղաբեռում հայտնաբերվել է ական

ԱՄՆ դեսպանատան աշխատակիցը փորձել է ուղեբեռում ական տեղափոխել Մոսկվայի «Շերեմետևո» օդանավակայանում. այդ մասին հաղորդել են ՏԱՍՍ-ին ՌԴ ԱԳՆ-ից։

Գերատեսչությունում կարծում են՝  քայլը կատարվել է գիտակցաբար, և միջադեպը գնահատում են որպես սադրանքի փորձ։

Այսօր առավոտյան օդանավակայանի D տերմինալում ուղեբեռի ստուգման ժամանակ հայտնաբերվել է ականի նման առարկա: Հրավիրված մասնագետները հաստատել են առարկայի իսկությունը, այն  առանց պայթուցիկի է եղել, չնայած դրա հետքերն առկա են եղել կաղապարում:

Ամերիկյան դեսպանատան աշխատակիցը գործուղումից վերադառնալիս է եղել և հաստատել է, որ ձեռք է բերել ականը «սեփական հավաքածուի» համար: ՌԴ ԱԳՆ տեղեկացրել է, որ նա առանց ականի և խոչընդոտի ուղևորվել է Նյու Յորք:

ԱՄՆ-ի դիվանագիտական առաքելությունը տեղեկացվել է միջադեպի մասին: