Մոսկվա-Երևան ինքնաթիռը «Շերեմետևո» օդանավակայանում դադարեցրել է թռիչքը. 8 տուժած

Nordwind ավիաընկերության Մոսկվա-Երևան չվերթն իրականացնող Boeing 737-800W ինքնաթիռը Մոսկվայի «Շերեմետևո» օդանավակայանում դադարեցրել է թռիչքը ինքնաթիռի սրահում տարածված ծխի պատճառով: Այդ մասին տեղեկացնում է РИА Новости-ին` ՌԴ ԱԻՆ-ին հղումով:

Թռիչքն սկսվել է ժամը 0:57-ին, սակայն, մինչ ինքնաթիռն օդ կբարձրանար, ծուխ է նկատվել: Ինքնաթիռի հրամանատարը զեկուցել է իրավիճակի մասին ու թռիչքը դադարեցնելու որոշում կայացրել: Նշվում է, որ հրդեհ չի առաջացել:

Օդանավում եղել է 173 ուղևոր և անձնակազմի 6 անդամ: Տարհանման ժամանակ 8 մարդ  տուժել է:

Հաղորդվում է նաև, որ ուղևորներին Երևան են ուղարկել պահուստային օդանավով, 28 մարդ, ներառյալ` երկու տուժած, հրաժարվել են թռչել դրանով:

«Շերեմետևո»-ն աշխատում է սովորական ռեժիմով: