Ադրբեջանի ԱԳ նախարարը բողոքի նոտա է հղել ՌԴ դեսպանին` «Լազարյան ակումբ»-ում արցախցի նախարարի մասնակցության համար

Ինչպես հաղորդում է ադրբեջանական Trend  գործակալությունը, ԱԳ նախարար Էլմար Մամեդյարովն այսօր ընդունել է Ադրբեջանում ՌԴ դեսպան Միխայիլ Բոչարնիկովին: Ադրբեջանի ԱԳ նախարարը նախ նշել է, որ Ադրբեջանի ու Ռուսաստանի միջև հարաբերությունները ստրատեգիական բնույթ են կրում` ընդգծելով ԵԱՀԿ ՄԽ համանախագահների դերը` ԼՂ կարգավորման հարցում: Նա բողոք է հայտնել, որ ՌԴ պաշտոնատար անձինք մասնակցել են ռուս-հայկական «Լազարյան» ակումբի նիստի աշխատանքներին, քանի որ դրան մասնակցել է նաև արցախցի պատգամավոր: Ըստ Մամեդյարովի, նման բնույթի իրադարձությունները կարող են վնասել ռուս-ադրբեջանական բարեկամական հարաբերությունները: