Ադրբեջանը դժգոհություն է հայտնել ՌԴ ԱԳՆ-ին` «Լազարյան ակումբ»-ի նիստի հետ կապված

Ադրբեջանի ԱԳՆ պաշտոնական ներկայացուցիչ Լեյլա Աբդուլաևան երեկ կայացած մամուլի ասուլիսում անդրադարձել է «Լազարյան ակումբ»-ի` Մոսկվայում մարտի 5-6-ը կայանալիք  նիստին, որին հրավիրված են նաև Արցախի ներկայացուցիչներ. հայտնում է Haqqin.az-ը:

Աբդուլաևան քննադատել է ՌԴ-ին` նշելով, որ դա ակնհայտորեն հակասում է ԼՂ հակամարտության խաղաղ կարգավորման նպատակներին և չի համընկնում ԵԱՀԿ ՄԽ համանախագահների, այդ թվում` ՌԴ-ի ջանքերի հետ` առաջ մղել հակամարտության կարգավորումը:

Նա հավելել է, որ այդ կապակցությամբ Ադրբեջանը ՌԴ-ում դեսպանատան միջոցով իր դժգոհությունն է հայտնել ՌԴ ԱԳՆ-ին:

Հիշեցնենք, որ նախորդ շաբաթ ադրբեջանցի լրագրողն այդ նիստի հետ կապված հարց էր ուղղել ՌԴ ԱԳՆ պաշտոնական ներկայացուցիչ Մարիա Զախարովային: Նա խոստացել էր մեկնաբանություն տալ, եթե հաստատվի, որ նիստին մասնակցելու են պաշտոնական անձինք: