ՀԱՊԿ գլխավոր քարտուղարի նշանակումը Փաշինյանի պատճառով 1 տարով կձգձգվի. Коммерсантъ

ՀԱՊԿ-ը մոտակա տարում կարող է մնալ առանց լիարժեք գլխավոր քարտուղարի: Այդ պաշտոնում Բելառուսի թեկնածու Ստանիսլավ Զասի նշանակումը ձգձգվում է իր թեկնածուին հաստատել ակնկալող ՀՀ վարչապետ Նիկոլ Փաշինյանի չզիջող դիրքորոշման պատճառով. գրում է ռուսական Коммерсантъ-ը:

Նշվում է, որ գլխավոր քարտուղարի պարտականությունները կշարունակի  կատարել ՌԴ ներկայացուցիչ Վալերի Սեմերիկովը: «Ելնում ենք այն բանից, որ մինչ 2020-ի սկիզբը ՀԱՊԿ-ը ղեկավարելու է գլխավոր քարտուղարի ժամանակավոր պաշտոնակատարը»,- պարբերականի հետ զրույցում ասել է ՌԴ ԱԳՆ-ի քաջատեղյակ աղբյուրը:

 ՀԱՊԿ-ին մոտ կանգնած աղբյուրը Коммерсантъ-ի հետ զրույցում հաստատել է նման տրամադրվածությունը: «Ակնկալում ենք նշանակում մյուս տարի: Կազմակերպությունում  կոլապս չկա, աշխատում է ծրագրերի համաձայն»,- ասել է աղբյուրը: