Շենավան համայնքի ղեկավարի արտահերթ ընտրություն կանցկացվի

Կառավարության այսօրվա նիստում որոշում կայացվեց  ՀՀ Լոռու մարզի Շենավան համայնքի ղեկավարի արտահերթ ընտրություն անցկացնել:

Շենավան համայնքի ղեկավար Գարուշ Դունամալյանը այդ պաշտոնում ընտրվել էր 2016 թվականին կայացած ՏԻՄ ընտրության արդյունքում, սակայն 2018 թվականի դեկտեմբերի 21-ին նա մահացել է:

«Տեղական ինքնակառավարման մասին» օրենքի 26-րդ հոդվածի 4-րդ մասի  համաձայն՝ 2018 թվականի դեկտեմբերի 26-ին Լոռու մարզի Շենավան համայնքի ավագանին կազմել է համայնքի ղեկավարի լիազորությունների վաղաժամկետ դադարման մասին արձանագրություն: Համայնքի ղեկավարի արտահերթ ընտրության անցկացման համար առաջարկվում է 2019 թվականի հունիսի 9-ը: