Ի՞նչ ընտրություն, ի՞նչ արտահերթ...

Մամուլը հեղեղված է ընդդիմության մասին լուրերով, ինչը նշանակում է, որ հասարակությունը սպասելիքներ ունի հենց ընդդիմադիր դաշտից. լրագրողների հետ հանդիպման ժամանակ ասաց ՌԱՀՀԿ փորձագետ Էդգար Վարդանյանը:

«Եթե բոլոր ընդդիմադիր ուժերը կարողանան ձեւավորել մեկ ընդհանուր օրակարգ, այդ ժամանակ ընտրությունները զուտ պայքարի միջոց կդառնան»,- նշեց նա:

Իսկ քաղաքագետ Ալեքսանդր Մարգարովի խոսքերով` ներկայումս ունենք մի վարչակարգ, որը գտնվում է մոխրագույն գոտում, եւ իշխանությունն անում է այն, ինչ անկախ ամեն ինչից պետք է անի:

Անդրադառնալով ՀԱԿ-ի եւ «Ժառանգության» միջեւ ծագած խնդիրներին` քաղաքագետը կարծիք հայտնեց, որ այդ կուսակցությունները պարզապես տարիքային խնդիրներ ունեն: Մարգարովը նշեց նաեւ, որ արտահերթ ընտրությունների մասին խոսք լինել անգամ չի կարող: