Թեհրանում է Ադրբեջանի Միլի միջլիսի նախագահը

Իրանի իսլամական խորհրդարանի նախագահ Ալի Լարիջանիի հրավերով դեկտեմբերի 25-ին Թեհրան է այցելել Ադրբեջանի Միլի մեջլիսի նախագահ Օգթա Ասադովը:

ԻՌՆԱ-ի տեղեկացմամբ՝ Ասադովին ընդունել են Իրանի Հանրապետության նախագահ  Հասան Ռոհանին, խորհրդարանի նախագահ Ալի Լարիջանին, ԱԳ նախարար Մոհամմադ Ջավադ Զարիֆն ու Ազգային անվտանգության գերագույն խորհրդի քարտուղար Ալի Շամխանին:

Կայացած հանդիպումների ընթացքում քննարկվել են երկկողմ քաղաքական եւ տնտեսական հարաբերությունները: Կարեւորվել է հատկապես էներգետիկ եւ տարանցիկ բեռանափոխադրումների ոլորտում երկկողմ հարաբերությունների ընդլայնումը:

Ռոհանի-Ասադով հանդիպման ժամանակ անդրադարձ է կատարվել նաեւ տարածաշրջանային հակամարտությունների թեմային: Նախագահ Ռոհանին վերահաստատել է տարածաշրջանային հակամարտությունները բանակցային եւ քաղաքական ուղիներով կարգավորելու իր տեսակետը: Նա Իրանի անունից պատրաստակամություն է հայտնել՝ օգնելու տարածաշրջանային հակամարտությունները քաղաքական շրջանակներում կարգավորելու հարցում՝ հարգելով ժողովուրդների իրավունքները: