կարևոր
5452 դիտում, 1 տարի առաջ - 2022-11-18 20:37
Քաղաքական

Հայաստանի խորհրդարանը նոր հայտարարությամբ հանդես կգա՝ ի պատասխան Ադրբեջանի Միլի մեջլիսի նոյեմբերի 8-ի հայտարարության

Հայաստանի խորհրդարանը նոր հայտարարությամբ հանդես կգա՝ ի պատասխան Ադրբեջանի Միլի մեջլիսի նոյեմբերի 8-ի հայտարարության

Հայաստանի խորհրդարանը, ի պատասխան Ադրբեջանի Միլի մեջլիսի նոյեմբերի 8-ի հայտարարության, նոր հայտարարությամբ հանդես կգա: Հայտարարության հեղինակներն ընդդիմադիր խմբակցություններն են.

«Ընդդիմադիր խմբակցություններն առաջիկայում հանդես են գալու ՀՀ ԱԺ-ի հայտարարության նախագծով, որն անդրադառնալու է բանակցային գործընթացին և նոյեմբերի 8-ին Ադրբեջանի Միլի մեջլիսի կողմից ընդունված հայտարարությանը»: «Փաստինֆո»-ին այս մասին հայտնեց «Հայաստան» խմբակցության պատգամավոր Գեղամ Մանուկյանը:

Նա այս պահին չցանկացավ այլ մանրամասներ հայտնել, միայն նշեց, որ նախագիծը դեռ ամբողջությամբ պատրաստ չէ, մշակման փուլում է:

Հարցին՝ նախագիծն ԱԺ արտահերթ նիստո՞վ է քննարկվելու, Մանուկյանն ասաց.

«Ձևաչափը կորոշենք»,-ասաց Մանուկյանը:

Հիշեցնենք, որ Ադրբեջանի Միլլի Մեջլիսը հայտարարություն էր ընդունել նոյեմբերի 8-ին, որով մի շարք կեղծ մեղադրանքներ էր հասցեագրել Հայաստանին՝ այսպես ասած կոչ անելով հայկական կողմին ճիշտ գնահատել ստեղծված «պատմական հնարավորությունը»։

Աղբյուր` Փաստինֆո