Միքայել Հարությունյանը ՌԴ քաղաքացի է․ ՀՔԾ-ի հարցման պատասխանը

Հատուկ քննչական ծառայությունը Ռուսաստանի Դաշնությունից գրավոր պատասխան է ստացել այն մասին, որ Մարտի 1-ի գործով մեղադրյալ` պաշտպանության նախկին նախարար Միքայել Հարությունյանը ՌԴ քաղաքացի է։

Հիշեցնենք, որ 2008 թվականի մարտի 1-ից 2-ն ընկած ժամանակահատվածում Երևան քաղաքում տեղի ունեցած իրադարձությունների վերաբերյալ քրեական գործի նախաքննության ընթացքում ձեռք բերված ապացույցների բավարար համակցության հիման վրա 2018 թվականի հուլիսի 3-ին որոշում է կայացվել ՀՀ պաշտպանության նախկին նախարար Միքայել Հարությունյանին ՀՀ քրեական օրենսգրքի 300.1-ին հոդվածի 1-ին մասով որպես մեղադրյալ ներգրավելու մասին:

Դատարանը բավարարել է Միքայել Հարությունյանի կալանավորման միջնորդությունը, սակայն ՌԴ-ն չեղարկել է իր տարածքում Միքայել Հարությունյանի նկատմամբ հայտարարված հետախուզումը: