Հռոմի Ֆրանցիսկոս պապն այսօր նշում է իր 82-րդ տարեդարձը

Հռոմի Ֆրանցիսկոս պապն այսօր նշում է իր 82-րդ տարեդարձը. հայտնում է Благовест-Инфо-ն:

Նրան առաջինը շնորհավորել են բարեգործական մանկական դիսպանսերի երեխաները, որը Վատիկանի աջակցությամբ բացվել է ավելի քան 90 տարի առաջ: Երեխաները Հռոմի պապի մոտ ընդունելության են եկել ծննդյան օրվա նախօրյակին և  նրան բերել մեծ տորթ՝ «Շնորհավորանքներ Ֆրանցիսկոս պապին» մակագրությամբ: Տորթը զարդարված է եղել ամանորյա տոների խորհրդանիշերով՝ փոքրիկ տոնածառներով ու ձնեմարդկանցով:

Արգենտինայից տեղափոխվելով Վատիկան՝ Ֆրանցիսկոսը չի դավաճանել «հասարակ քահանայի» շատ սովորությունների: Նա ամեն առավոտ իր օրն սկսում է 4:45-ին և, իր իսկ խոստովանությամբ, հաճախ է արտասանում «Լավ տրամադրության աղոթքը»: