Լավրովն ու Զարիֆը հեռախոսազրույց են ունեցել

Իրանի ԱԳ Նախարար Մոհամմադ Ջավադ Զարիֆը դեկտեմբերի 12-ին հեռախոսազրույց է ունեցել ՌԴ ԱԳ նախարար Սերգեյ Լավրովի հետ: Այդ մասին, ըստ aliqonline.ir-ի,  տեղեկացնում է Իրանի ԱԳՆ հանրային դիվանագիտության եւ մամուլի վարչությունը:

Հեռախոսազրույցի ընթացքում երկու երկրների արտաքին քաղաքական գերատեսչությունների ղեկավարները, կարևորելով սիրիական ճգնաժամի խաղաղ կարգավորումը, քննարկել են դրա իրագործման հնարավորությունները:

Միջուկային համապարփակ համաձայնագրի հետ կապված` ԱՄՆ նախագահ Դոնալդ Թրամփի որոշման ու Իրանի եւ ՌԴ-ի դեմ գործադրվող պատժամիջոցները, երկու երկրների հարաբերությունների առավել սերտեցման եւ ամրապնդման պատճառ են դարձել:

Որոշ փորձագետների կարծիքով՝ Թեհրանի եւ Մոսկվայի հարաբերությունները մարտավարական, ռազմական, տնտեսական եւ դիվանագիտական գործակցության մակարդակից վերաճել են՝ վերածվելով ռազմական համագործակցության: