Լուկաշենկոն Ծառուկյանին ասել է, որ սպասում է ՀՀ-ի հրավերին

Բելառուսի նախագահ Ալեքսանդր Լուկաշենկոն սպասում է Հայաստանի հրավերին։ Այս մասին  «Ազատություն» ռադիոկայանի հետ զրույցում ասել է ԲՀԿ առաջնորդ Գագիկ Ծառուկյանը՝ պատասխանելով հարցին, թե  հնարավո՞ր է, Լուկաշենկոյի հետ իր անձնական կապերն օգտագործելով, նա փորձի թուլացնել երկու երկրների միջև լարվածությունը, որն առաջացել է ՀԱՊԿ գլխավոր քարտուղարի  ընտրության  ֆոնին:

«Ես ասեմ, թող մեր հայրենակիցներն էլ իմանան, որ նոյեմբերի 24–ին եղել եմ Բելառուսում, հանդիպել եմ Ալեքսանդր Գրիգորիչի հետ, և  նա այսօր սպասում է հրավերի, որ գա Հայաստան և  իր խոսքն ասի, իր մոտեցումը Հայաստանին և  հայ ժողովրդին»,– ասաց նա։

Հարցին՝ ասե՞լ է Ձեզ, թե երբ է գալու, Ծառուկյանն արձագանքել է. «Գնա կառավարություն, հայտնի՝ երբ որ հրավերը կուղարկեն, էն վախտ էլ կգա»: