Թուրքակական մամուլն անդրադարձել է Սերժ Սարգսյանի՝ Թուրքիայի նախագահին ուղղված հրավերին

Թուրքական կայքերն անդրադարձել են նախագահ Սերժ Սարգսյանի՝ Թուրքիայի ապագա նախագահին ուղղված հրավերին:

Կայքերը գրել են, թե ՀՀ նախագահ Սերժ Սարգսյանը պաշտոնապես հրավիրում է Թուրքիայի ապագա նախագահին 2015-ին այցելել Հայաստան՝ կապված Հայոց ցեղասպանության 100-ամյա տարելիցի հետ:

Կայքերը անդրադարձել են նաև Թուրքիայի վարչապետ Ռեջեփ Թայիփ Էրդողանի՝ հայերին ուղղված ուղերձին և շեշտել, որ այդ ուղերձը հայերի կողմից բավարար քայլ չէր համարվել:

«Հայերը պահանջում են 1915 թվականի դեպքերը որակել որպես «Ցեղասպանություն», սակայն թուրքերը շարունակ պնդում են, որ նույն թվականին իրենք ևս ունեցել են նույնքան զոհ»,- գրել է ntvmsnbc կայքը: