Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Վերջին օրերին նորածինների մահացության մի քանի դեպքեր եղան: Այսօր ՀՀ առողջապահության նախարարի պաշտոնակատար Արսեն Թորոսյանից Yerkir.am-ը փորձեց ճշտել՝ նախարարն ուսումնասիրե՞լ է այդ դեպքերը, և բժիշկների մեղավորության վերաբերյալ կա՞ն փաստարկներ:
Ի պատասխան Թորոսյանը նշեց, որ երեկ «Աստղիկ» ԲԿ-ում նորածին էր մահացել, իսկ օրեր առաջ էլ` «Շենգավիթ» ԲԿ-ում, և երկու դեպքն էլ իրենց ուշադրության կենտրոնում է: «Կարծում եմ՝ պետք է իրավական գնահատական տրվի, արդեն իսկ կան հարուցված քրեական գործեր: Մենք էլ մեր լիազորությունների շրջանակներում օգնելու ենք իրավապահ մարմիններին՝ փորձագետներ տրամադրելու առումով: Այսինքն՝ եթե իրավապահ մարմինները կցանկանան ունենալ հանձնաժողովային կարծիքներ տարբեր մասնագետների կողմից, մենք տալիս ենք տարբեր մասնագետների ցուցակներ: Իրավապահներն ընտրում են մարդկանց, որոնց կարծիքը հետագայում դատական գործում հիմք է հանդիսանում` որպես փորձագետի կարծիք»,- ասաց նա: