Վարչապետը խոսեց հանրահավաքին հագած իր պիջակի մասին

Այսօր ֆեյսբուքյան ուղիղ եթերում, խոսելով տնտեսության, խնդիրների ու լուծման ուղիների մասին, կանգ առավ տեքստիլ արդյունաբերության վրա, ասելով, որ կառավարությունը քաջալերում է այդ ոլորտի զարգացումը, և որ արտադրությունը պետք է միտված լինի արտահանմանը: Քանի որ հայաստանյան շուկան փոքր է, և միայն այդ շուկայի վրա հնարավոր չէ հիմնվել: Ըստ վարչապետի, հիմա էլ կա հնարավորություն, որ բնակչությունը գնի տեղական արտադրողի հագուստն ու կոշիկը:

«Տեղական արտադրանքի կոշիկի ու հագուստի տեսակներ կան, որոնք ես հաճույքով կրում եմ:Օրինակ` հանրահավաքին ես մի պիջակ էի հագել, և ինչ-որ տեղերում գրել էին, որ դա «Գուչի» է կամ «Զիլլի», բայց դա Հայաստանում արտադրված պիջակ էր, մասնավոր դերձակի մոտ պատվիրված»,- ասաց վարչապետը: