Վարչապետը խոսեց Մարտունու՝ անմխիթար վիճակում գտնվող հիվանդանոցի մասին

Այսօր կառավարության նիստի վերջում վարչապետ Հովիկ Աբրահամյանը նշեց, որ երեկ տարածքային կառավարման և զարգացման նախարար Դավիթ Լոքյանի հետ եղել են Գեղարքունիքի մարզում, որտեղ բազմաթիվ հանդիպումներ են ունեցել համայնքների ղեկավարների ու բնակչության հետ: Վարչապետը նշեց, որ եղել են Մարտունու հիվանդանոցում, որը գտնվում է անմխիթար վիճակում. այնտեղ երկար տարիներ ներդրումներ չեն արվել:

Աբրահամյանը հանձնարարեց տարածքային կառավարման և զարգացման  և առողջապահության նախարարներին, որ համատեղ քննարկումներ անեն ու ներկայացնեն առաջարկություններ: «Կարծում եմ` Մարտունու հիվանդանոցում աշխատանքներ ունենք իրականացնելու, այն անմխիթար վիճակում է, այնտեղ, կարծում եմ, կա հնարավորություն օպտիմիզացիա իրականացնելու»,- ասաց վարչապետը: