Լուկաշենկոն ՌԴ-ից նոր վարկ կստանա. Газета.ру

Ռուսաստանն ու Բելառուսը բանակցություններ են վարում նոր՝ 1 մլրդ դոլար վարկի տրամադրման շուրջ։ Այս միջոցներով Բելառուսի իշխանությունները մտադիր են վճարել Ռուսաստանին արդեն իսկ ունեցած պարտքերը։ Այդ մասին գրում է Газета.ру-ն:

Նշվում է, որ Մինսկը հույս ուներ վարկ վերցնել նաև Կայունության ու զարգացման եվրասիական հիմնադրամի միջոցով, որը ստեղծվել է Եվրասիական տնտեսական միության շրջանակում, սակայն բանակցությունները դեռ թույլ չեն տվել բելառուսական իշխանություններին ստանալ վարկային տրանշները։

«Սակայն խնդիրներից մեկը, որը բարդացնում է նախագահ Ալեքսանդր Լուկաշենկոյի կյանքը, Մոսկվայի ցանկությունն է՝ դադարեցնել Բելառուս նավթամթերքի` առանց մաքսատուրքերի մատակարարումները։ Ըստ Reuters գործակալության տվյալների՝ Ռուսաստանը մտադիր է հոկտեմբերից դադարեցնել այդ մատակարարումները»,-գրում է թերթը: