Հայաստանը Համաշխարհային բանկից 72 մլն ԱՄՆ դոլար վարկ կստանա

 Համաշխարհային բանկի գործադիր տնօրենների խորհուրդը երեկ հաստատեց 72 մլն ԱՄՆ դոլար վարկի տրամադրումը Հայաստանին Զարգացման քաղաքականության առաջին գործառնության (ԶՔԳ) ներքո, որն ուղղված է մակրոտնտեսական կայունության խթանման, գործարար միջավայրի բարելավման, տնտեսության կայունության մեծացման միջոցով ցնցումների նկատմամբ  ճկունության ապահովման բարեփոխումներին. հայտնում են Համաշխարհային բանկի երևանյան գրասենյակից:

Սա երեք ԶՔԳ-ների շարքի առաջին ծրագիրն է, որը կօգնի Հայաստանին  իր ռազմավարական նպատակների իրականացման հարցում, մասնավորապես՝ աշխատատեղերի ստեղծման հարցում, որը զարգացման ճանապարհին Հայաստանի հիմնական մարտահրավերն է: Ծրագիրը նպատակ ունի օգնել Հայաստանին կրճատելու աղքատությունը և նպաստելու ընդհանուր բարեկեցությանը՝ աճը խորացնող բարեփոխումների ճանապարհով: