Քոչարյանն ու Խաչատուրովը ՀՔԾ-ում են. Մարտի 1-ի գործով քննչական գործողություններ են ընթանում

Քիչ առաջ ՀՀ հատուկ քննչական ծառայություն է ժամանել ՀԱՊԿ գլխավոր քարտուղար Յուրի Խաչատուրովը: Նշենք, որ դեռևս հուլիսի 10-ին Խաչատուրովին ծանուցում էր ուղարկվել հարցաքննության վերաբերյալ: Նա, պատճառաբանելով աշխատանքային ծանրաբեռնվածությունը, հայտնել էր, որ քննչական մարմին կներկայանա հուլիսի վերջին։

Այս պահին ՀՔԾ-ում է նաև ՀՀ երկրորդ նախագահ Ռոբերտ Քոչարյանը: ՀՔԾ մամլո խոսնակ Մարինա Օհանջանյանը Yerkir.am-ի հետ զրույցում հայտնեց, որ  այս պահին քննչական գործողություններ են ընթանում Քոչարյանի մասնակցությամբ: 

Առավոտից ՀՔԾ շենքի մոտ սպասող լրագրողները չեն նկատել, թե ինչպես է երկրորդ նախագահը մուտք գործել ՀՔԾ շենք:

Հիշեցնենք, որ ՀՀ երկրորդ նախագահ Ռոբերտ Քոչարյանը հրավիրվել է ՀՔԾ` Մարտի 1-ի գործով որպես վկա հարցաքննվելու: