Գեղարքունիքի մարզը կունենա շտապօգնության եւ ռեանիմացիոն նոր ավտոմեքենաներ

Գեղարքունիքի մարզի շտապօգնության ծառայություններն առաջիկա երկու ամիսների ընթացքում ձեռք կբերեն շտապօգնության եւ ռեանիմացիոն նոր ավտոմեքենաներ:

Այս մասին հայտարարեց ՀՀ Առողջապահության նախարար Արսեն Թորոսյանը Գեղարքունիքի մարզ կատարած այցելության ժամանակ: Ըստ նախարարի,  2-ական շտապօգնության ավտոմեքենաներ կտրամադրվի Սեւանի եւ Գավառի բժշկական կենտրոնների, Վարդենիսի հիվանդանոցի, 3-ը՝ Մարտունու բժշկական կենտրոնի եւ 1-ը՝ ճամբարակի առողջության կենտրոնի կազմում գործող շտապօգնության ծառայություններին: Վերոնշյալ առողջապահական հաստատությունները կստանան նաեւ  մեկական ռեանիմացիոն  ավտոմեքենաներ: «Անչափ կարեւոր խնդիր ենք լուծում մարզային շտապօգնության ծառայությունների համար, հուսալով, որ դրանով բարձրացնելու ենք ծառայությունների արդյունավետությունը՝ քաղաղացիներին մատուցելով ավելի օպերատիվ ու որակյալ բուժսպասարկում »,-նշեց  նախարար Արսեն Թորոսյանը: