կարևոր
3115 դիտում, 1 տարի առաջ - 2022-12-20 12:47
Հասարակություն

Արցախում հիվանդանոցում 13 երեխա գտնվում է ռեանիմացիոն և նորածնային բաժանմունքներում. 4 ամսական փոքրիկի վիճակը շարունակում է մնալ ծանր

Արցախում հիվանդանոցում 13 երեխա գտնվում է ռեանիմացիոն և նորածնային բաժանմունքներում. 4 ամսական փոքրիկի վիճակը շարունակում է մնալ ծանր

Արցախի Հանրապետության «Արևիկ» բուժմիավորումում 13 երեխա գտնվում է ռեանիմացիոն և նորածնային բաժանմունքներում: Նրանցից 4 ամսական փոքրիկի առողջական վիճակը, ում մոտ ախտորոշվել էր «Վիսցերալ լեյշմանիոզ», շարունակում է մնալ ծանր:

Այս մասին հայտնում են Արցախի Առողջապահության նախարարությունից, նշելով, որ տեղի բժիշկները անհրաժեշտ բուժօգնությունը ցուցաբերում են՝ առցանց կապով խորհրդակցելով ՀՀ մասնագետների հետ:

«Հանրապետական բժշկական կենտրոն»-ում 9 բուժառու գտնվում է ռեանիմացիոն բաժանմունքում, որից 2-ը ծայրահեղ ծանր վիճակում են, բժիշկների կողմից կատարվում է հնարավորը՝ հիվանդների վիճակը կայունացնելու համար:

Արցախի Առողջապահության նախարարությունը ձեռնարկում է հնարավոր բոլոր միջոցները շրջափակման պատճառով ստեղծված իրավիճակը պատշաճ հաղթահարելու համար։