Թբիլիսիի կենտրոնում վերսկսվել են բողոքի ցույցերը

Թբիլիսիի կենտրոնում վերսկսվել են բողոքի ցույցերը, որոնց ֆոնին երեկ հրաժարական տվեց երկրի գլխավոր դատախազը. հայտնում է РИА Новости-ն:

Հիշեցնենք, որ երեկվանից Թբիլիսիում բողոքի ցույցեր են սկսվել: Բանն այն է, որ Թբիլիսիի քաղաքային դատարանը 2017 թվականի դեկտեմբերի 1-ին մայրաքաղաքի դպրոցներից մեկում տեղի ունեցած զանգվածային ծեծկռտուքի հետևանքով մահացած երկու անչափահասների գործով որոշումն էր հրապարակել։ Ըստ որոշման՝ անչափահասներից միայն մեկի սպանության մեջ կասկածվողին է դատարանը մեղավոր ճանաչել։ Դատարանի որոշումը բողոք էր առաջացրել: Ակցիայի մասնակիցների կարծիքով` հետաքննությունն արդար չի եղել, և փորձ է արվում պատժից ազատել միջադեպի մասնակիցներից մեկին` դատախազության նախկին աշխատակցի որդուն: