Թբիլիսիի կենտրոնում ցույցերի մասնակիցների թիվն ավելանում է

Վրաստանի «Միացյալ ազգային շարժում» ընդդիմադիր կուսակցության առաջնորդ Գրիգոլ Վաշաձեի կոչին ի պատասխան Թբիլիսիի Ռուստավելի պողոտայում՝ խորհրդարանի շենքի մոտ այսօր՝ ժամը 19:00-ին վերսկսվել են բողոքի ցույցերը:  Ցուցարարների թիվը ժամ առ ժամ ավելանում է:  ԶԼՄ-երի տեղեկացմամբ թվում մեծ ներկայություն են կազմում ուսանողները, մասնակցում են նաև երեխաների հետ մասնակցող ծնողներ:

 Վրաստանի ներքին գործերի նախարարության տվյալներով՝ խորհրդարանի առաջ հավաքված ցուցարարները պատրաստվում էին մոլոտովյան կոկտեյլներ կիրառել: Վրաստանի առողջապահության նախարարության տվյալներով՝ 240 մարդ է վիրավորում ստացել նախօրեին՝ ոստիկանության ու ցուցարարների միջև բախումների հետևանքով: Տուժածների թվում 80 ոստիկան կա: Նշվում է նաև, որ 102 մարդ դեռևս հիվանդանոցում է գտնվում, որոնցից մեկը մահացել է:

Վրաստանի ընդդիմադիր կուսակցությունները («Միասնական ազգային շարժում», «Վրաստանի Հանրապետական կուսակցություն», «Հանուն նոր Վրաստանի» և «Ժողովրդա-դեմոկրատական») իշխանություններին ուղղված երեք հիմնական պահանջ են ներկայացրել. ՆԳ նախարար Գեորգի Գախարիայի հրաժարականը, ձերբակալված քաղաքացիների ազատ արձակումը և Վրաստանում արտահերթ խորհրդարանական ընտրություններ նշանակելու համար կառավարության հետ բանակցություններ: