Քաղաքացիները չմասնակցեցին ավագանու նիստին. քաղաքապետի խոսքով՝ օրակարգում անձամբ նրանց վերաբերող հարց չկա

«Երկիր ծիրանի» խմբակցության ղեկավար Զարուհի Փոստանջյանն այսօրվա ավագանու նիստում հայտարարեց, որ այս պահին քաղաքապետարանում են մի շարք քաղաքացիներ, ովքեր ուզում են մասնակցել ավագանու նիստին: «Եթե ուզում ենք որոշումներ կայացնել` հանուն Երևանի, մենք պարտավոր ենք թույլ տալ մասնակցել նրանց ավագանու նիստին: Սա պետք է լինի ավանդույթ, որ յուրաքանչյուր օրակարգ ներառի նաև քաղաքացիներին լսելը»,- ասաց նա՝ հորդորելով թույլ տալ քաղաքացիներին` մասնակցել ավագանու այսօրվա նիստին:

Քաղաքապետ Տարոն Մարգարյանը նշեց, որ եթե օրակարգում կա Երևանի կոնկրետ այդ քաղաքացուն վերաբերող հարց, այո, պարտավոր են քաղաքացիներին հրավիրել, սակայն այսօրվա օրակարգում չկա նման հարց: «Մեր աշխատակազմը պատրաստ է քաղաքացիներին լսել, մանավանդ՝ մենք ունենք ընդունելություններ, և անձամբ ես, եթե անհրաժեշտություն է լինում, ընդունում և լսում եմ քաղաքացիներին»,- ասաց քաղաքապետը: