Արցախի քաղաքական օրակարգում սահմանադրական բարեփոխումների հարց դեռևս չկա

ԼՂՀ-ում սահմանադրական բարեփոխումներ անցկացնելու հարցը դեռևս չի մտել քաղաքական օրակարգ. Yerkir.am-ի հետ զրույցում նշեց ԼՂՀ նախագահի մամուլի խոսնակ Դավիթ Բաբայանը:

Ըստ նրա` կան տարբեր կարծիքներ, բայց խոսքը չի վերաբերում ինստիտուցիոնալ, համակարգային, համապետական բնույթ կրող երևույթի: «Սահմանադրական բարեփոխումներ իրականացնելու հարցը դեռևս չի մտել Արցախի քաղաքական օրակարգի մեջ: Որոշ խոսակցություններ կան ներսում, որոնք լոկ խոսակցություններ են»,- ասաց Բաբայանը:

 Yerkir.am-ի հարցին, թե` չե՞ք բացառում, որ առաջիկայում ԼՂՀ-ում ևս  կլինեն սահմանադրական բարեփոխումներ, նա պատասխանեց. «Ժամանակը ցույց կտա: Դժվար է ասել, կարող է լինի, կարող է` ոչ: Մինչև դրան անցնելն այնքան հարցեր կան դեռ, որ ճիշտ չէ այդ հարցը առաջնային համարել»: