Եթե մենակ ես եմ, կհրաժարվեմ. Հակոբյանը՝ ՀՀԿ-ի հրաժարական տալու մասին

Խորհրդարանում լրագրողները ՀՀԿ-ական պատգամավոր Հակոբ Հակոբյանից հետաքրքրվեցին՝ արդյո՞ք ՀՀԿ-ն կունենա վարչապետի թեկնածու հաջորդ ընտրություններում: Նա նշեց, որ ժամանակը չէ, և որ հարցի պատասխանը կլինի ավելի ուշ:

Հարցին՝ հնարավո՞ր է, որ հաջորդ շաբաթ հանրապետականները կողմ քվեարկեն Նիկոլ Փաշինանի թեկնածությանը, պատգամավորն ասաց. «Քաղաքականության մեջ ոչինչ չի բացառվում»:

Հակոբյանը չցանկացավ պատասխանել այն հարցին, թե ինչու է երեկ ՀՀԿ-ն որոշել դեմ քվեարկել Փաշինյանի թեկնածությանը:

Հարցին էլ՝ արդյո՞ք ՀՀԿ-ի վրա ճնշումներ չեն եղել Սերժ Սարգսյանի կամ Ռոբերտ Քոչարյանի կողմից, պատգամավորն արձագանքեց. «Ավելորդ հարցեր եք տալիս»:

Ինչ վերաբերում է նրան, որ ժողովուրդը ՀՀԿ-ի հրաժարականն է պահանջում, Հակոբյանն ասաց. «Եթե մենակ ես եմ, կհրաժարվեմ»: