Կա շատ մեծ հավանականություն, որ կստանձնեմ վարչապետի պաշտոնը. Փաշինյան

Մեկնարկել է «Քաղաքացիական պայմանագիր» կուսակցության ղեկավար Նիկոլ Փաշինյանի մամուլի ասուլիսը` արտասահմանյան լրատվամիջոցների հետ: Հարցին, թե արդյո՞ք կստանձնի երկրի վարչապետի պաշտոնը, Փաշինյանը պատասխանեց, որ եթե ժողովուրդը նման բան որոշի, ինքը կստանցնի այդ պարտականությունը:

«Կարծում եմ` կա շատ մեծ հավանականություն, որ հենց այդպես էլ կլինի»,- ասաց Փաշինյանը: Նա հավելեց, որ դա տեղի կունենա միայն այն բանից հետո, երբ կերաշխավորվեն բացարձակ արդար, օրինական ԱԺ ընտրություններ, որովհետև Հայաստանում քաղաքական ճգնաժամը սկսվել է այն ժամանակ, երբ մարդիկ մասսայաբար սկսեցին չվստահել ընտրությունների արդյունքներին:

«Պետք է բարեփոխենք ընտրական օրենսգիրքը և «Քաղաքական կուսակցությունների մասին» օրենքը: Մենք պատրաստ ենք առաջնորդել երկիրը դեպի ապագա, և մենք վստահ ենք դրանում»,- ասաց նա: