Կառավարության բոլոր շենքերի գործողությունը պետք է պարալիզացնենք. Նիկոլ Փաշինյան

Քիչ առաջ Նիկոլ Փաշինյանը հայտարարեց ոչ բռնի, թավշյա հեղափոխության մեկնարկը: 

Խոսելով հետագա քայլերի մասին՝ նա ասաց, որ պետք է պարալիզացնեն ամբողջ պետական համակարգը: «Երթով կշարժվենք և քայլեր կանենք կառավարության բոլոր շենքերի գործողությունը պարալիզացնելու ուղղությամբ: Այնտեղ, որտեղ կհաջողվի ներս մտնել, ներս կմտնենք ու նստացույց կանենք, իսկ որտեղ չի հաջողվի, մուտքի մոտ նստացույց կանենք: Ոչ մեկին չենք թողնի ներս մտնել, իսկ դուրս կթողնենք նրանց, ովքեր կմիանան մեզ: Պետք է արգելափակել բոլոր դռները»,- ասաց Փաշինյանը:

Մարզերում գտնվողներին նա կոչ արեց արգելափակել նաև գյուղապետարանների շենքերը:

Փաշինյանը նշեց, որ իրենց քայլը շենքերի շրջափակման գործընթաց է, ոչ թե շենքերի գրավման գործողություն:

Նա չնշեց, թե որ շենքից կսկսեն իրենց գործողությունը: «Երթով գնանք՝ որ շենքը հարմար կլինի, դրանից էլ կսկսենք»,- ասաց Փաշինյանը: