Լիբանանում ՀՅԴ թեկնածուն կոչ է արել քաջալերել տեղական արտադրանքը

Աղբյուրը՝ Aztagdaily

ՀՅԴ Լիբանանի Կեդրոնական կոմիտէի կողմէ Պէյրութի Ա. ընտրաշրջանին մէջ առաջադրուած թեկնածու Յակոբ Թերզեան ընկերային ցանցին ընդմէջէն կատարած յայտարարութեամբ մը ընդգծեց տեղական ճարտարարուեստը եւ լիբանանեան արտադրութիւնները քաջալերելու կարեւորութիւնը:

Յ. Թերզեան հաստատեց, որ լիբանանեան ճարտարարուեստը հպարտութեան աղբիւր է:

Ան նկատել տուաւ, որ որեւէ պետութեան հիմքը ճարտարարուեստն է, հետեւաբար կարելի չէ միայն մէկ կամ երեք բնագաւառներու վստահիլ, ինչպէս որ է պարագան Լիբանանին: «Այս ճիչին արձագանգելը թեկնածութեանս պատճառներէն մէկն է, յատկապէս նկատի ունենալով, որ ճարտարարուեստի ոլորտը կարողութիւն ունի աշխատանքի կարելիութիւններ ապահովելու եւ արտագաղթը կանխարգիլելու», ըսաւ ան:

Յ. Թերզեան հաստատեց, որ այս միջոցէն բացի որեւէ այլ ձեւ գոյութիւն չունի` աւելցնելով, որ լիբանանեան ճարտարարուեստին զօրակցութիւնը ամօթալի արարք մը չէ, այլ պէտք է վերածուի հպարտութեան շարժառիթի մը: Ան կոչ ուղղեց բոլոր քաղաքացիներուն քաջալերելու լիբանանեան արդիւնաբերութիւնը:

Նշենք, որ Յ. Թերզեան երէկ հանդիպում մը ունեցաւ Ճարտարարուեստի մարզի սեփականատէրերու ընկերակցութեան նախագահ Ֆատի Ժեմայէլի հետ:

Հանդիպումին ընթացքին քննարկուեցան 2015-ին հրապարակուած տնտեսական եւ ընկերային բնագաւառներու փրկարար ծրագիրն ու անոր մանրամասնութիւնները:

Թերզեան Ժեմայէլէն ստանձնեց այդ ծրագիրը, որ պիտի ուսումնասիրէ` փորձել փրկելու համար երկրին ճարտարարուեստի մարզը: