Պարգևներ` ասորական համայնքի դպրոցի տնօրեններին

ՀՀ կրթության և գիտության նախարար Լևոն Մկրտչյանի հրամանով մատաղ սերնդի կրթության, դաստիարակության և ասորերեն լեզվի, մշակույթի զարգացման ու պահպանման գործում ներդրած ավանդի համար ՀՀ Արարատի մարզի Վերին Դվինի միջնակարգ դպրոցի տնօրեն Աիդա Լազարևան և ՀՀ Կոտայքի մարզի Արզնիի միջնակարգ դպրոցի տնօրեն Սոֆյա Սիմոնովան պարգևատրվել են  ՀՀ կրթության և գիտության նախարարության «Ոսկե հուշամեդալով»:

Պարգևները հանձնել է ՀՀ կրթության և գիտության նախարարի տեղակալ Մանուկ Մկրտչյանը: Շնորհավորելով  մանկավարժներին՝ ԿԳ նախարարի տեղակալը շնորհակալություն է հայտնել երկարամյա փորձառու մանկավարժներին՝ ասորերենը Հայաստանում որպես ազգային փոքրամասնության լեզու զարգացնելու համար:

ԿԳ նախարարի տեղակալի խոսոքվ՝ ՀՀ կրթության և գիտության նախարարություն է դիմել Հայաստանում Արևելքի Ասորական Եկեղեցու քահանա Նիկադիմ Յուխանաևը` Աիդա Լազարևային և Սոֆյա Սիմոնովային պարգևատրելու միջնորդությամբ՝ նշելով, որ նրանք երկարատև արդյունավետ աշխատանք են կատարել ասորերեն լեզվի, մշակույթի զարգացման և պահպանման գործում: Վերին Դվինի և Արզնիի միջնակարգ դպրոցներում կրթության կազմակերպման բարձր արդյունեվոտությունը արտացոլված է «Տարածաշրջանային կամ ազգային փոքրամասնությունների լեզուների Եվրոպական խարտիայի» ՀՀ զեկույցում և դրական  գնահատական է ստացել նաև եվրոպացի փորձագետներերի կողմից:

ՀՀ ԿԳՆ