Երևանի մասին` Ալիևի հայտարարությունը կապված է նախընտրական արշավի մեկնարկի հետ. ԱՊՀ երկրների ինստիտուտի տնօրենի տեղակալ

Երևանը «վերադարձնելու» մասին` Ադրբեջանի նախագահ Իլհամ Ալիևի խոսքերը կապված են նախընտրական քարոզարշավի մեկնարկի և իր կողմն արմատական տրամադրված ընտրողներին գրավելու ցանկության հետ: Այդ մասին հայտարարել է ԱՊՀ երկրների ինստիտուտի տնօրենի տեղակալ Վլադիմիր Ժարիխինը. հայտնում է РИА Новости-ն:

Փետրվարի 8-ին Ալիևը «Էնի Ադրբեջան» իշխող կուսակցության համագումարի ժամանակ հանդես էր եկել հայտարարությամբ՝ ասելով, թե «Երևանն Ադրբեջանի պատմական հողն է, և պետք է այն վերադարձնել»:

«Անկասկած, դա նրա նախընտրական արշավի մեկնարկն է: Նա որոշել է նման ծայրահեղ հայտարարությամբ չեզոքացնել այն հակառակորդներին, որոնք հանդես են գալու արմատական կարգախոսներով»,- նշել է Ժարխինը:

Նա նաև կարծիք է հայտնել, որ այս հայտարարությունը, իհարկե, չի բարելավի երկրների միջև հարաբերությունները: